Joh 1 | Ndebele | STEP | Ekuqaleni wayekhona uLizwi , njalo uLizwi wayeloNkulunkulu , njalo uLizwi wayenguNkulunkulu .

1 Ekuqaleni ^a wayekhona uLizwi ^b, njalo uLizwi wayeloNkulunkulu ^c, njalo uLizwi wayenguNkulunkulu ^d. 2 Yena lo wayeloNkulunkulu ekuqaleni. 3 Zonke izinto zenziwa ngaye, njalo ngaphandle kwakhe kakulalutho lolulodwa olwenziwayo lolo olwenziweyo ^e. 4 Impilo yayikuye ^f, njalo impilo yayiyikukhanya kwabantu ^g, 5 lokukhanya kukhanya ^h emnyameni ⁱ, kodwa ubumnyama kabukwemukelanga ^j.

6 Kwavela umuntu ethunywe nguNkulunkulu ^k, obizo lakhe linguJohane ^l; 7 yena lo wezela ubufakazi, ukuze afakaze ngokukhanya, ukuze bonke bakholwe ngaye ^m. 8 Yena wayengayisikho ukukhanya, kodwa ukuze afakaze ngokukhanya ⁿ.

9 Kwakuyikukhanya okuqotho ^o, okukhanyisa wonke umuntu oza emhlabeni ^p. 10 Wayekhona emhlabeni, njalo umhlaba wenziwa ngaye ^q, kodwa umhlaba kawumazanga. 11 Weza kokwakhe ^r, kodwa abakhe kabamemukelanga ^s. 12 Kodwa bonke abamemukelayo, wabapha amandla ^{▼▼ amandla: kumbe, ilungelo.} okuthi babe ^u ngabantwana bakaNkulunkulu, labo abakholwa ebizweni lakhe; 13 abazalwa kungeyisikho ngegazi, langentando yenyama ^v, langentando yendoda, kodwa nguNkulunkulu ^w.

14 ULizwi ^x wasesiba yinyama ^y, wahlala phakathi kwethu ^z, njalo sabona inkazimulo yakhe ^aa, inkazimulo injengeyozelwe yedwa kaYise ^ab, egcwele ^ac umusa leqiniso ^ad. 15 UJohane wafakaza ngaye ^ae, wamemeza wathi: Nguye lo ebengisitsho ngaye ukuthi ^af: Lowo ozayo emva kwami ^ag uphambi kwami ^ah; ngoba wayekhona ^ai kuqala kulami ^aj. 16 Lekugcwaleni kwakhe thina semukele sonke, futhi umusa ngomusa ^ak; 17 ngoba umlayo wanikwa ngoMozisi ^al, umusa ^am leqiniso kweza ngoJesu Kristu ^an. 18 Kakho ^ao owake wabona uNkulunkulu ^ap; iNdodana ezelwe yodwa ^aq, esesifubeni ^ar sikaYise ^as, yiyo emvezileyo ^at.

Ubufakazi bukaJohane

19 Njalo lobu yibufakazi bukaJohane ^au, mhla amaJuda ethuma abapristi lamaLevi bevela eJerusalema ukuze bambuze ukuthi: Wena ungubani ^av? 20 Wasevuma, kaphikanga; futhi wavuma wathi: Kangisuye uKristu mina ^aw. 21 Bambuza futhi bathi: Kuyini pho? Wena unguElija yini ^ax? Wasesithi: Kangisuye. Wena ungulowomProfethi yini ^ay? Wasephendula wathi: Hatshi. 22 Basebesithi kuye: Ungubani? Ukuze sibaphe impendulo abasithumileyo; uthini ngawe? 23 Wathi: Mina ngiyilizwi lomemezayo enkangala ^az: Lungisani indlela yeNkosi, njengoba uIsaya umprofethi watsho ^ba.

24 Lalabo ababethunyiwe babevela kubaFarisi ^bb. 25 Basebembuza, bathi kuye: Ubhabhathizelani pho ^bc, uba wena ungeyisuye uKristu, loElija, lalowomProfethi ^bd? 26 UJohane wabaphendula, wathi: Mina ngibhabhathiza ngamanzi ^be; kodwa phakathi kwenu ^bf kumi, lina elingamaziyo ^bg; 27 nguye ozayo emva kwami, ophambi kwami ^bh, engingafanele mina ukuthukulula umchilo wenyathela lakhe ^bi. 28 Lezizinto zenzeka eBethabara ^bj ngaphetsheya kweJordani, lapho uJohane ayebhabhathiza khona ^bk.

29 Kusisa uJohane wabona uJesu esiza kuye, wathi: Khangelani iWundlu likaNkulunkulu ^bl, elisusa ^{▼▼ elisusa, kumbe, elithwala.} isono somhlaba ^bn. 30 Nguye lo mina ebengilitshela ngaye ukuthi: Emva kwami kuza indoda, eyayikhona phambi kwami ^bo, ngoba yayikhona kuqala kulami ^bp. 31 Lami bengingamazi; kodwa ukuze abonakaliswe kuIsrayeli ^bq, ngalokho mina ngizile ngibhabhathiza ngamanzi ^br. 32 UJohane wasefakaza ^bs, esithi: Ngibonile uMoya esehla ezulwini njengejuba, wahlala phezu kwakhe ^bt. 33 Lami bengingamazi; kodwa owangithumayo ukubhabhathiza ngamanzi, yena wathi kimi: Lowo ozabona uMoya esehlela phezu kwakhe ahlale kuye, nguye obhabhathiza ngoMoya oNgcwele ^bu. 34 Mina ngibonile, ngafakaza ^bv ukuthi lo uyiNdodana kaNkulunkulu ^bw.

Abafundi bokuqala

35 Kusisa futhi uJohane wayemi, lababili kubafundi bakhe; 36 wasekhangela uJesu ehambahamba ^bx, wathi: Khangelani iWundlu likaNkulunkulu ^by. 37 Abafundi ababili bamuzwa ekhuluma, basebemlandela uJesu. 38 Kwathi uJesu enyemukula ebabona belandela, wathi kubo: Lidingani ^bz? Basebesithi kuye: Rabi*, (okuyikuthi ngokuphendulelwa, Mfundisi) uhlala ngaphi ^ca? 39 Wathi kubo: Wozani libone. Beza babona lapho ayehlala khona; bahlala laye ngalolosuku; kwakungaba lihola letshumi*. 40 UAndreya umfowabo kaSimoni Petro ^cb wayengomunye wababili ababekuzwe ngoJohane bamlandela.

41 Yena wathola kuqala umfowabo uqobo uSimoni ^cc, wathi kuye: Simtholile uMesiya ^{▼▼ Mesiya: kumbe, ogcotshiweyo.}, okuphendulelwa ngokuthi, uKristu ^ce. 42 Wasemletha kuJesu. UJesu esemkhangele wathi ^cf: Wena unguSimoni indodana kaJona ^cg; uzathiwa nguKefasi, okuphendulelwa ngokuthi uPetro ^ch.

43 Kusisa ^ci uJesu wayefuna ukusuka aye eGalili ^cj, wathola uFiliphu, wathi kuye: Ngilandela. 44 UFiliphu-ke ^ck wayengoweBhethisayida ^cl, emzini wakibo kaAndreya loPetro. 45 UFiliphu wathola uNathaniyeli ^cm, wathi kuye: Simtholile lowo abhala ngaye uMozisi emlayweni ^cn labaprofethi ^co, uJesu weNazaretha ^cp, indodana kaJosefa ^cq. 46 UNathaniyeli wasesithi kuye: Kambe kungavela okuhle eNazaretha ^cr? UFiliphu wathi kuye: Woza ubone. 47 UJesu wabona uNathaniyeli esiza kuye, wathi ngaye: Khangelani umIsrayeli uqobo ^cs, okungekho nkohliso kuye ^ct. 48 UNathaniyeli wathi kuye: Ungazela ngaphi? UJesu waphendula wathi kuye: UFiliphu engakakubizi, ungaphansi komkhiwa, ngakubona. 49 UNathaniyeli waphendula wathi kuye: Rabi ^cu, wena uyiNdodana kaNkulunkulu ^cv, wena uyiNkosi kaIsrayeli ^cw. 50 UJesu waphendula wathi kuye: Uyakholwa ngoba ngithe kuwe, bengikubona ungaphansi komkhiwa ^cx. Uzabona izinto ezinkulu kulalezi. 51 Wasesithi kuye: Ngiqinisile, ngiqinisile, ngithi kini: Kusukela khathesi ^cy lizabona izulu livulekile ^cz, lengilosi zikaNkulunkulu zisenyuka zisehla ^da phezu kweNdodana yomuntu ^db.